ЗАВРШНА КОНФЕРЕНЦИЈА НА ПРОЕКТОТ И НИЕ СМЕ ДЕЛ ОД ОПШТИНАТА
Објавено во: Мои пари 26 Октомври, 2017
Здружение за развој, претприемништво и претприемачко учење Марвел-АДЕЕЛ, Штип на 26-октомври во Свети Николе ја реализираше завршната конференција во рамките на проектот „И ние сме дел од општината“ кој се имплементира во 4 општини од Источниот и Вардарскиот плански регион: Штип, Карбинци, Кочани и Свети Николе. Изготвените предлог акции беа претставени на денешната Конференција за поттикнување на акција на помалите заедници и нивно учество во решавање на проблеми во општините Штип, Кочани, Карбинци и Свети Николе, на која зедоа учество претставници од локалните самоуправи, граѓански организации од вклучените општини и граѓани. На конференцијата зедоа учество: Г-ѓа Л’скова Благица, проектен координатор; Г-дин Арсов Ивица, претставник од општина Свети Николе, Пекевски Синиша, претставник од СИ комуникејшн и Г-дин Илиевски Зоран, Извршен директор на младинската коалиција СЕГА. Говорниците за време на конференцијата зборуваа за граѓанскиот активизам во таргетираните општини, предизвиците со кои се соочуваат граѓаните во самите општини и процесот на поттикнување акција во помалите заедници со цел нивно учество во решавање на општинските проблеми.
Основна цел на проектот е зголемување на свесноста за својата улога и покренување на активност кај жителите на помалите заедници за решавање на проблемите во нивните општини. Во рамките на овој проект беа имплементирани 12 еднодневни работилници во заедници кои гравитираат кон општините Штип, Карбинци, Кочани и Свети Николе со учество на преку 120 учесници на овие работилници. За време на работилниците беа потенцирани тековни проблеми во самите општини, а учесниците понудија и предлог решенија за истите. Проектниот тим за овие проблеми изготви предлог акции за нивно решавање и истите ги достави до локалните самоуправи од четирите општини.
Благица Л’скова, координатор на проектот изјави: „Успешната имплементација на овој проект придонесе кон зголемување на свесноста на жителите на помалите заедници дека и тие се составен дел од општините и дека и тие можат да придонесат во решавањето на секојдневните проблеми. Преку проекните активности жителите на помалите заедници научија што значи да се биде активен жител на својата општина. Преку овој проект жителите на овие помали заедници научија како да го привлечат вниманието на локалните самоуправи и медиумите со цел да ги решат секојдневните проблеми со кои се соочуваат и во крајна линија да го подобрат квалитетот на живеење. Изготвените предлог акции се само почеток на покренување на процесот на граѓански активизам во помалите заедници од овие општини и искрено верувам дека помалите заедници во иднина ќе бидат носители на предлог решенија за секојдневните општински проблеми.
Овој проект е имплементиран со финансиска помош од страна на проектот ЦИВИКА МОБИЛИТАС. Главна целна група на овој проект се граѓаните на помалите заедници во општините Штип, Карбинци, Кочани и Свети Николе.
Можеби ќе ве интересира
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
