Земјите ширум Европа затвораат граници

Добивај вести на Viber

Коронавирусот ги затвори границите во Европа. 

Многу европски држави поради ширењето на коронавирусот ги затвораат своите граници и најавуваат нови рестриктивни мерки во следните денови.

Данска, Полска и Чешка го забранија влезот на своја територија за сите странци, а Прага им воведе забрана на своите државјани за излез од земјата.

Украина ги затвори граничните премини за странци на две недели, а Унгарија границите со Австрија и Словенија.

Словенија затвори шест гранични премини со Италија. Запрен е и сообраќајот со автобуси и возови.

Романија ги затвори границите со Унгарија, Украина, Бугарија и Молдавија, а Албанија со Црна Гора и Северна Македонија, а од утре и со Грција.

Кипар, исто така, ги затвори границите, а влез во земјата во следните 15 дена ќе имаат само неговите државјани.

Србија затвори 44 помали гранични премини, забранет е влез за странски државјани кои доаѓаат од жариштата на коронавирусот. Исто така, забранет е влезот и за странски државјани кои преку Романија влегуваат во Србија.

Словачка ги затвори границите за сите странци, освен за Полска.

Австрија затвори три гранични премини со Италија за сите странски државјани. Само оние кои имаат лекарски наоди не постари од четири дена можат да влезат.