Добивај вести на Viber
Хрватското Министерство за земјоделство објави дека млекото кое ги надминува дозволените нивоа на афлатоксин ќе се преработува во производство на биогорива. Станува збор за околу 70.000 литри млеко дневно од 380 фарми во источниот дел на Хрватска, каде поради зголемени нивоа на афлатоксин двете тамошни млекари престанаа да купуваат млеко од фармерите се додека вредностите не се вратат во нормала.
Млекото нема повеќе да се истура, пишува во анализата на Радио Слободна Европа. Поточно, тоа беше првата реакција на многу млекарници во источниот дел на Хрватска, откако "Дукат" и "Меггле" престанаа со купување млекото од фармите посочени дека имаат зголемени нивоа на афлатоксин.
„Од вторник млекото од околу 380 краварски фарми во источна Хрватска, од кои млекарите не го откупуваат млеко ќе се носи во објектите за производство на биогорива во Славонија. На земјоделци делумно ќе им се компензира преземеното млеко “, најави министерот за земјоделство,
Тихомир Јаковина.
Сепак, на оваа изјава реагираше
Давор Аџиќ, сопственик на една од три фабрики за биогорива каде треба да бидат обработени спорните колични на млеко, кој изјави дека од Министерството за земјоделство не добил детални инструкции за тоа како да се спроведе целиот план.
"Не знам како ќе функционира тоа, како тоа ќе се донесе млекото до нашите објекти, мислам дека тоа е премногу кратко време за да може да почне утре ", изјави Аџиќ.
Елементарна непогода
Претседателот на Здруженијата на фармери на Славонија
Антун Ласло сите овие владини мерки се несоодветни.
"Целиот случај треба да се прогласи како елементарна непогода, затоа што тоа и навистина е. Сточарите не се виновни за она што се случило со храната, бидејќи тоа е природна појава ", вели Ласло.