Земјотрес ја потресе југозападна и источна Турција, нема докази за жртви и настрадани лица
Објавено во: Свет 31 Март, 2019
Земјотрес со интензитет од 4,9 степени по Рихтер беше
регистриран во округот Денизли,
југозападна Турција, а источниот округ Ерзинчан беше погоден од земјотрес со
јачина од 4,1 степени по Рихтер, соопшти БТА.
Епицентарот на првиот земјотрес бил регистриран во 14,30 часот во реонот на градот Аџпајам на длабочина 7
километри. Другиот земјотрес ја погодил
земјата 15 минути подоцна.
Надлежните во Денизли изјавија дека засега нема информации за жртви и
повредени лица.
Поради земјотресите во Аџпајам привремено било
прекината гласањето на денешните локални
избори и сите луѓе кои се наоѓале во училиштата во кои имало откриени избирачки
места, излегле надвор. Гласањето потоа продолжило со својот тек.
Во текот на ноќта во Аџпајам бил регистриран земјотрес со интензитет од 3,8
степени по Рихтер. Телевизијата СНН Турк истакнува дека во 14,41 часот во
неделата, во градот Отлукбејли во источниот округ Ерзинчан, исто така е
регистрирано земјотрес со интензитет од 4,1 степени по Рихтер.