23 Јануари, 2018
1.0137
    ALK 7698.52    0.63%     AUMK 1700    0.06%     GRNT 830    0.73%     KMB 3135.87    -0.52%     MPT 28907    -3%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TEH 140    -6.67%     TEL 283    1.07%     TETE 2060    3%     TKVS 3106    -3%     TPLF 1798.38    -0.03%     TTK 950    -0.12%     ZPKO 2700    -0.37%

КОРИСНО: Зимски совети за безбедност на пешаците во сообраќајот

Објавено во: Македонија 11 Јануари, 2017

Снегот, мразот и минусните температури во овој период од годината најмногу проблеми предизвикуваат на учесниците во сообраќајот.

Иако фокусот најчесто е ставен на возачите и возењето по снег и замрзнати коловози, сепак Републичкиот совет за безбедност на сообраќајот на патиштата подготви корисни совети и за најранливата категорија учесници во сообраќајот – пешаците, кои своите дневни обрски ги извршуваат пеш движејќи се по снегот. Според статистиките, секоја година околу 1/4 од вкупниот број жртви во сообраќајот се пешаци.

Совети кои ќе  помогнат за  побезбедно и посигурно учество на пешаците во сообраќајот, а на возачите ќе им помогнат полесно да ги забележат на улиците:

·  Движете се по тротоарот секогаш кога тоа е можно – Доколку не сте во можност да се движите по тротоар и го користите коловозот, тогаш движете се до крајниот лев раб од коловозот и следете ги возилата кои ви доаѓаат од спротивната страна.

·  Секогаш преминувајте ја улицата на пешачки премин. Преминувањето надвор од пешачкиот премин е крајно опасно, особено во услови на намалена видливост и тоа сериозно може да влијае на вашата безбедност во сообраќајот.

·  Настојувајте секое движење да ви е внимателно испланирано и не ризикувајте со изборот на „скратен пат“. Пред да се решите да стапнете на улицата имајте во предвид дека на возилата им е потребно повеќе време да запрат и сопирачкиот пат е подолг од вообичаено. Не ја преминувајте улицата сѐ додека не сте сигурни дека возилата кои се движат по коловозот ве забележале и се во состојба безбедно да го запрат своето возило. 

Освен тоа, пешаците за лична безбедност треба да внимаваат и на следните работи:

·  Носете соодветни обувки. Чекорете бавно и сигурно со целото стапало. Соодветните обувки му овозможуваат на пешакот да чекори со целото стапало и да има добар и стабилен контакт со подлогата по која се движи. Обувките треба да се со соодветна потпора и да не се лизгаат на снег.

·  Не го бркајте зеленото светло за пешаци или автобусот, бидете стрпливи и сигурни во тоа што го правите.

·  Избегнувајте да носете торби и други предмети кој ја нарушуваат вашата рамнотежа.  Никогаш не се движете со  рацете во џеб.

·  Пешачките премини можат да бидат доста опасни и при самото разминување на пешаците. Внимавајте каде чекорите. Гледајте пред себе и пропуштете го пешакот кој ви доаѓа од спротива. Не заборавајте, љубезното однесување во сообраќајот е дел од убавите манири на секој човек.

·  При преминување на улицата немојте да застанувате помеѓу двете коловозни ленти затоа што возачите не ве очекуваат таму и може да бидете удрени од возило кое се движи по влажен и лизгав коловоз.

·  Бидете особено внимателни кога се качувате или излегувате од автобус или автомобил, или кога се движите помеѓу паркирани возила и излегувате на улица.



·  Носете светла облека со рефлектирачки додатоци особено во рани зори и во приквечерието. Додатете рефлектирачки налепници на јакните или на торбите. Бидете видливи и безбедни во сообраќајот.

Републичкиот совет за безбедност на сообраќајот на патиштата, покрај овие совети, апелира до пешаците на максимално одговорно учество во сообраќајот. Внимателно учество во сообраќајот не е грижа само на возачите. Секој од нас има обврска да се грижи за својата безбедноста и да дава личен придонесен за непречено одвивање на сообраќајот. 

Можеби ќе ве интересира

Студен бран ќе ја зафати Македонија

Студен бран ќе ја зафати Македонија

Агатангел за грчките свештеници: До Евзони ли се простира нивната љубов и трпение?

Агатангел за грчките свештеници: До Евзони ли се простира нивната љубов и трпение?

Ангелов: За нас решението е приоритет 26 години, но треба да бидеме претпазливи

Ангелов: За нас решението е приоритет 26 години, но треба да бидеме претпазливи

Пратеничката Пешевска останува во домашен притвор

Пратеничката Пешевска останува во домашен притвор

Од ВМРО-ДПМНЕ бараат да се повлече Законот за употреба на јазиците

Од ВМРО-ДПМНЕ бараат да се повлече Законот за употреба на јазиците

Каде во Македонија има најдебела снежна покривка?

Каде во Македонија има најдебела снежна покривка?

Села сака да се врати во Владата на Заев?

Села сака да се врати во Владата на Заев?

По средбата Заев-Ципрас Нимиц доаѓа во Скопје?

По средбата Заев-Ципрас Нимиц доаѓа во Скопје?

Судењето одложено: Што ќе утврдуваат вештаците за дедото на починатата Тамара?

Судењето одложено: Што ќе утврдуваат вештаците за дедото на починатата Тамара?