Живалевиќ вели дека се знае кој човек требало да го убие Заев
Објавено во: Македонија 13 Септември, 2017
Српскиот разузнавач Горан Живаљевиќ за српска телевизија изјави дека сите служби присутни во Македонија ги знаат по имиња сите оние десетмина луѓе под маски кои упаднаа во Собранието на 27 април и, како што рече тој, еден од нив требало да го убие Зоран Заев.
Живаљевиќ зборуваше за случувањата на 27 април во интервју за српската телевизија „Хепи“. Го споменува и името на Игор Југ, еден од лицата кој упадна во Собранието заедно со толпата.
„Не сакам сега да калкулирам дали носел оружје или не, по некои информации тој беше човекот кој требаше да го убие Зоран Заев. Тој носеше шаховница на маицата. Јас не видов по македонските медиуми дали тој човек е уапсен или каде се наоѓа. Македонските служби, сите служби присутни во Македонија, ги знаат по имиња сите оние десетмина луѓе под маски“- изјави Живаљевиќ во интервјуто.
Претставникот на БИА во српската амбасада, Живаљевиќ беше во Собранието на 27 април, но вели дека бил таму по работа и со дозвола од Кабинетот на претседателот, Ѓорге Иванов.