24 Јануари, 2018
0.4907

Зошто „Диво насеље“ нема крај и по судската разрешница?

Објавено во: Анализа 06 Ноември, 2017

Случајот „Диво насеље“ доби судска разрешница, но високите пресуди за лежење во затвор и доживотните казни за дел од обвинетите не ги дадоа сите одговори, особено не тие за самата цел на групата која од Косово влезе во Македонија и со помош на неколку локални жители влезе во жестока битка со македонската полиција која траеше два дена. 

8 казни доживотен затвор, над 700 години затвор за обвинетите членови на групата за тероризам и 4 ослободителни пресуди. Ваквиот судски епилог предизвика револт кај дел од албанското население, па така семејствата и блиските на осудените одржаа протести за нивна поддршка тврдејќи дека и понатаму продолжу прогонот против Албанците. 

Случајот „Диво насеље“ и натаму е проблематичен за меѓуетничките односи бидејќи создава услови за тензии, а не даде никакви конкретни одговори. Која е вистинската цел на групата која влезе во кумановската населба, зошто украде оружје од касарната во Гошинци, дали имала директен контант со македонски политичари, какви беа релациите со неколку агенти на тајните служби, дали македонските безбедносни служби ја завршија својата задача квалитетно или потфрлија. Битката за Диво насење заврши со дваесетина жртви, меѓу кои 8 припадници на специјалните сили на македонската полиција со уште пеесетина ранети. 

Финалната пресуда нема да биде причина за елиминирање на неизвесноста и сомнежот, бидејќи и натаму има разни теории кои го поткопуваат како правниот систем, така имаат и политички последици врз македонското општество бидејќи постои ризик за раст на недовербата. Факт е дека некој мора да одговра за нападот и жртвите како и цела нанесена штета, но исто така треба да се земат во предвид сите докази, како и да се појават сите потенцијални сведоци кои ги бараше одбраната, а меѓу нив има и високи политичари. 

По иницијатива на ДУИ ќе се формира и анкетна комисија во Собранието која ќе работи на расветлување на мотивите на кумановската група, а исто така ќе се бара и меѓународна помош во дополнителна истрага. Доколку ова се спроведе на реален начин и се дојде до резултати секако е добредојден чекор бидејќи сите ја сакаат целосната вистина, но истиот чекор не смее да биде само политички трик на ДУИ, СДСМ и останатите партнери за привремено ублажување на незадоволството кај дел од граѓаните.

Можеби ќе ве интересира

Со жалење пренесени националистичките протести во Грција и прогласот на предавници

Со жалење пренесени националистичките протести во Грција и прогласот на предавници

Како Владата ќе ја оцени „петката“ на Нимиц?

Како Владата ќе ја оцени „петката“ на Нимиц?

Владата ќе ја оценува „Рамката“ на Нимиц

Владата ќе ја оценува „Рамката“ на Нимиц

Што чека ВМРО-ДПМНЕ за да се вклучи во консензус за името?

Што чека ВМРО-ДПМНЕ за да се вклучи во консензус за името?

Нимиц со терминот „Македонија“ за решението ги побесна грчките десничари

Нимиц со терминот „Македонија“ за решението ги побесна грчките десничари