ЗОШТО ДОЈДЕ ДО ПРОМЕНА ВО АГЕНДАТА НА ВРВНИТЕ АМЕРИКАНСКИ ДИПЛОМАТИ - одложена посетата на Шоле и Ескобар за после Нова Година
Објавено во: Македонија 12 Декември, 2022
Цела Македонија ги очекуваше со нетрпение американските врвни функционери, кои требаше да дојдат во среда, но сега излегува дека на нивната посета ќе причекаме до наредната година.
Според Амбасадата на САД во Скопје, таму добиле известување дека советникот во Стејт департментот, Дерек Шоле и делегацијата во која што требаше да присуствува и заменик-помошникот секретар во Стејт департментот и специјален пратеник за Западен Балкан, Габриел Ескобар, ја одложиле посетата на Северна Македонија за после Нова година.
Засега не е дадено објаснување зошто е одложена посетата.
Според првичната најава, Шоле и Ескобар во Скопје требаше да разговараат со владини претставници за низа прашања, вклучително и за енергетиката, економијата и борбата против корупцијата.
„Оваа посета ја нагласува трајната посветеност на САД за мирот, стабилноста и просперитетот на регионот“, објавија од Стејт департментот.
Габриел Ескобар вчера беше на Косово, каде што го посети манастирот во Високо Дечани.