АНАЛИЗА: Ако Владата на Ципрас „падне“, што понатаму со Македонија?

Добивај вести на Viber

Фајненшал Тајмс анализира: Што ќе се случи со Македонија, регионот и ЕУ ако деновиве падне Алексис Ципрас?

Влогот е голем не само за грчкиот премиер Ципрас, туку и за Скопје, но и за Балканот и за ЕУ.

Голем е влогот со гласањето на доверба на Владата на Ципрас откако коалициониот партнерот на Сириза се повлече од Владата, поради договорот со Македонија, пишува угледниот Фајненшал Тајмс. 

Во текстот се наведува дека Ципрас сега мора да се избори за мнозинство во парламентот, каде што неговата партија има 146 од 300 места. Пишува дека евентуалниот неуспех ќе фрли сомнеж на договор за промената на името на Македонија, кој во петокот го одобри македонскиот Парламент, но треба да биде ратификуван и од грчката страна.

Билатералниот договор меѓу Атина и Скопје кој се потпиша лани, а предвидува дека соседот на Грција да го промени своето име во Република Северна Македонија, што значи крај на речиси три деценискиот спор што изби по распадот на поранешна Југославија и го отвори патот за Скопје да влезе во НАТО и ЕУ, што ќе биде поттик и за петте соседи од Западен Балкан, кои, исто така, сакаат да се приклучат на европскиот блок, според британскиот весник.

Весникот потсетува дека договорот за решавање на спорот, кој се потпиша во јуни е од клучно значење за договор за почеток на пристапните преговори на ЕУ со Скопје, и покрај загриженоста на некои членки на владеењето на правото и организираниот криминал во Македонија.

Поддржувачите на проширувањето на ЕУ се борат да ги убедат скептичните земји како Франција и Холандија дека Македонија има направено значителен напредок во реформите потребни за почеток на пристапните преговори.