Апелација ја потврди затворската казна за Кичеец: Ќе има судење за одземените предмети

Добивај вести на Viber

Потврдена е тригодишната затворска казна на Зоран Милевски Кичеец. Апелацискиот суд соопшти дека делумно му се уважени жалбите со тоа што е потврдена првостепената пресуда во случајот Рекет односно за затворската казна. Сепак судењето ќе се повторува во делот на одземените предмети на Кичеец.

„Апелацискиот суд Скопје известува дека, постапувајќи по кривичниот предмет КОКЖ- 8/20, во јавноста познат како „Рекет“, по одржана јавна седница на ден 02.09.2020 година, донесе пресуда со која жалбите на обвинетиот Зоран Милески од Скопје, делумно ги уважи на начин што ја потврди првостепената пресуда, по однос на вината и изречената кривична санкција, додека во делот на одлуката за одземање на предмети ја укина и во овој дел предметот го врати на првостепениот суд на повторно постапување и одлучување, соопштија од Апелацискиот суд.

Вака донесената одлука, како што велат од Судот, ќе биде објавена во целост на веб страната на судот во рокот определен со Законот за управување со движењето на предметите во судовите.