Бебе почина, откако две жени излетаа од пат во струмичко
Објавено во: Македонија 19 Март, 2024
Бебе смртно настрада во сообраќајна несреќа во струмичко, каде што две сопатнички излетале со своето возило од патот.
- На 18.03.2024 околу 12.50 часот во СВР Струмица било пријавено дека на магистрален пат Струмица – Ново Село, делница помеѓу селата Босилово и Турново, патничко возило „фолксваген поло“ со струмички регистарски ознаки, управувано од 40 годишната В.Д.Т. од село Стиник, општина Ново Село, излетало од коловозот.
Од здобиените повреди починало бебе, кое било превезувано во возилото, а смрт констатирал лекар во Медицински центар Струмица. Со телесни повреди се здобиле В.Д.Т. и сопатничката С.Т.(49) од село Доброшинци, струмичко, соопштија од МВР.
Увид на местото извршиле Јавен обвинител и екипа на СВР Струмица.