Безмалку двојно повеќе погреби во Белград во последните месец дена
Објавено во: Балкан 11 Декември, 2020
Јавното комунално претпријатие (ЈКП) „Погребални услуги“ денеска за агенцијата Бета соопшти дека бројот на погребувања на белградските гробишта е зголемен од средината на ноември и дека во просек се погребуваат по 70 луѓе дневно.
Во претходниот период, „т.е. во редовни околности“, како што објави „Погребални услуги“, просечниот број на погребувања на гробиштата под надлежност на ова претпријатие било во просек 40-42 на ден.
Во новите околности, просечното време на чекање за погреб или кремирање е три до пет дена, со тоа што чекањето е малку подолго на најголемите белградски гробишта (Ново гробље ,е, Нова Бежанија, Орловача и Лешче), каде што во последните три седмици се вршат погреби и во недела, што не е случај во редовни околности.
На прашањето на Бета дали имаат податоци за бројот на закопани луѓе кои починале како резултат на ковид-19, од таму велат дека само надлежните државни и здравствени власти го имаат тој запис.