Билјана Ивановска по одлуката за Рустеми: Однапред распределување на директори е контрапродуктивно
Објавено во: Македонија 21 Октомври, 2020
Билјана Ивановска, директорката на Државната комисија за спречување на корупција, и порача на Владата дека не смее однапред да го одредува следниот директор на ЈП Државни патишта без да распише конкурс и да направи избор според професионални критериуми.
Ивановска ова го кажа како одговор на новинарско прашање, откако премиерот Зоран Заев потврди дека Ејуп Рустеми, досегашниот директор на АД Македонски пошти ќе биде прв човек на ЈП Државни патишта на местото на Зоран Китанов
- За сите директори да се распишат конкурси и да се изберат компетентни лица. Ова однапред распределување е контрапродуктиувно. Треба да се остави простор за конкурентност и професионалност, рече Ивановска пред медиумите како прв човек на ДКСК по седницата на Антикорупциска на која беа презентирани најновите одлуки.
Реакцијата на јавноста е негативна по ова одлука затоа што Рустеми си оди од „Пошта“ со извештаи за негативно работење, додека Државни патишта е едно од најзначајните и највлијателните во македонската економија.