БОКИ 13 СО ПИСМА ДО АМБАСАДОРИТЕ НА САД, ЕУ И ФРАНЦИЈА - побарал да го посетат во затворот
Објавено во: Македонија 03 Јануари, 2020
Бојан Јовановски или Боки 13, кој е првообвинет во случајот Рекет, вели дека се чувствува како политички затвореник, нагласувајќи дека вистината за случајот ќе се дознаела само ако има правичен процес.
На денешното судско рочиште тој рече дека доколку Судот носи одлуки под притисок, не исклучува да штрајкува со глад.
„Го молам Судот да носи одлуки без странични закани и притисоци. Денеска испратив писма до амбасадорите на САД, ЕУ и Франција, Брнс, Жбогар и Тимоние, како и до Хелсиншки комитет и побарав посета од нив во затворот“, обзнани Боки 13.
Бојан Јовановски смета дека е политички затвореник. Тврди дека има закани по неговиот живот, што го поткрепи со барање кое веќе го испратил до државниот јавен обвинител Љубомир Јовески. Нему, пак, сакал да му сподели строго доверливи информации. Но, од Јовески, вели,не добил никаков одговор, иако неговото барање било многу сериозно.
Боки 13 сведочеше дека закани почнал да добива по исказот кој го дал пред Вилма Русковска.