Бошњаковски: Посетата на Koѕијас е чекор напред
Објавено во: Македонија 14 Март, 2018
Посетата на шефот на грчката дипломатија, Никос Коѕијас на Македонија е чекор напред кон конечно решавање на спорот, изјави денеска портпаролот на Владата Миле Бошњаковски.
Точниот датум за доаѓањето на Коѕијас засега не е утврден, но се очекува тој во Скопје да пристигне во наредната недела.
Тој повтори дека секое решение за спорот ќе оди преку медијаторот на ОН, Метју Нимиц и оти тоа ќе биде постигнато со заеднички компромис во интерес на двете страни.
Грчките медиуми постојано пишуваат за преговорите и според нив Коѕијас ќе биде во Скопје на 22 и 23 месецов.