БРЕГЗИТ: Гигантска победа за Путин и за неговата надворешна политика?

Добивај вести на Viber

Изминатата ноќ претставува гигантска победа за Путин, за неговата надворешна политика, напиша на Twitter поранешниот американски амбасадор во Москва, Мајкл Макфол.

Тој смета дека рускиот претседател Владимир Путин ќе биде среќен заради пукнатини во европското единство. Според Макфол гласањето несомнено служи на долгорочните цели на Путин во Европа. Макфол истакна дека рускиот претседател не го испровоцира резултатот од референдумот, но ќе има бенефит од него.

Политичкиот аналитичар на БиБиСи, Лора Кунсберг пак вели дека најблиските колеги на Дејвид Камерон велат дека тој е политичар со среќа. Но, кога работите стигнаа до најголемиот ризик во неговата политичка кариера, среќата го напушти, додава таа.

Социологот Џон Кертис рече дека ова е референдум во кој универзитетските градови загубија од селска и индустриска Англија. Смета дека ова е референдум во кој космополитска либерална Британија загуби од конзервативната дел од населението,  длабоко вознемирено од имиграцијата.

Оценката на „Дејли телеграф" е дека со политичката кариера на Дејвид Камерон е завршено.

Весникот „Гардијан" реагира на прогнозираниот резултат од референдумот со наслов: „Земјотресот Брегзит се случи. Ќе бидат потребни години за да се надминат штетите предизвикани од него".