БРОЈКАТА НА НОВОЗАРАЗЕНИ КРИТИЧНА: Комисијата за заразни болести денеска и утре ќе го утврдува начинот на пренос, па ќе препорача рестриктивни мерки
Објавено во: Македонија 03 Октомври, 2020
Во текот на
денешниот ден и утре Комисијата за заразни болести ќе ги проверува анкетните
прашалници, за да се утврди начинот на трансмисија на корона вирусот во секоја
општина посебно и во градовите, откако вчера во земјава имавме втора највисока
бројка на новозарзени, 225, по рекордната на 18 јули, кога вкупниот број на
новоинфицирани достигна 241.
Ова е решено на вчерашниот итен состанок на министерот за здравство Венко Филипче со Комисијата за заразни болести, по што беше кажано дека врз основа на тоа што ќе го утврди Комисијата, од понеделник ќе се почне со препорака на рестриктивни мерки.
-Тие мерки мора да бидат соодветни, ги најавивме на почетокот на септември, бевме свесни дека ни доаѓа есенски перид во којшто може да има зголемен број на дијагностицирани, што сега практично се случува, затоа апелирам до граѓаните уште поревносно да се придружуваат кон мерките, затоа што тоа е единствениот начин да се спречи ширењето на вирусот, изјави министерот Филипче.