Бутарис се правда дека „Македонија“ било грешка при изразување
Објавено во: Балкан 27 Ноември, 2017
Солунскиот градоначалник, Јанис Бутарис ги критикуваше оние кои го обвиниле за национално предавство затоа што при посетата во Скопје го изговорил зборот „Македонија“.
За весникот „Катимерини“ градоначалникот објаснува дека било „грешка при изразување“ кога рекол „Република Македонија“, наместо изразот што Грција го користи за северниот сосед.
Бутарис нагласува дека нема да дозволи да биде оспоруван неговиот патриотизам. Тој вели дека ставот за северниот сосед е истиот што го има и грчкото Министерство за надворешни работи и дека на тоа останал и при средбите со високи претставници во Скопје.
Тој беше прозван и од грчки пратеници да даде објаснување зошто нашата земја ја нарекол Македонија.