Да не се затвораат угостителските објекти во недела, бара Кризниот штаб од Куманово
Објавено во: Македонија 05 Октомври, 2020
Да не се затвораат угостителските објекти во недела, бара Кризниот штаб во Куманово.
Наведуваат дека во овој град се почитуваат препораките на Владата.
„ОШЗС Куманово смета дека мерките и препораките на Владата во угостителските објекти на територија на Општина Куманово се почитуваат на задоволително ниво и е потребно само дополнителна контрола од надлежни инспекциски служби. Сметаме доколку се донесе една таква рестриктивна мерка на тој начин ќе се зголеми групирање на млади луѓе во паркови, детски игралишта, организирање на забави во приватни куќи и викендици, при што ќе се зголеми ризикот од ширење на епидемијата“, информираат од Кризинот штаб.
До денеска во Куманово, Ковид-19 е регистриран кај 1.473 лица, вкупно оздравени се 1.164, починале 49 лица, а активни се 260.