Дерковски: Cекогаш сум постапувал согласно позитивните законски прописи
Објавено во: Македонија 20 Август, 2018
Претседателот на ДИК Оливер Дерковски, чие име денеска се слушна во судницата во Кривичниот суд во еден од разговорите кои беа презентирани во предметот „Титаник“, изјави дека секогаш работел во согласност со позитивните законски прописи.
Тој вели дека не знае точно за кој и за каков разговор станува збор затоа што ги нема материјалите.
„Во изминатите години сум се слушал со многу луѓе на телефон, сум зборувал, и луѓе барале од мене нешто и секакви идеи постоеле, меѓутоа јас можам да кажам одговорно дека секогаш сум постапувал согласно позитивните законски прописи. И сигурно сум постапил и сигурно сум постапил и тогаш кога од мене се барало можеби нешто што не е во согласност со законот“- вели Дерковски.
Ова, според него, нема да има никакво влијание врз неговата работа во ДИК.
Дерковски, не чувствува одговорност по аудио снимката која се слушна во Кривичниот суд.