07 Март, 2021
0.0324

ДИРЕКТНА И НЕПОВРАТНА ПОМОШ ЗА ТРАНСПОРТОТ, ТУРИЗМОТ И УГОСТИТЕЛСТВОТО - 15 конкретни барања од ССК

Објавено во: Македонија 20 Јануари, 2021

Државната поддршка да се спроведува континуирано, да се дефинираат протоколи за работа на сите дејности и да се обезбеди директна, неповратна помош за превозот, за туризмот, за угостителството, за сметководството, за едукацијата и за установите за згрижување деца како најзагрозени сектори кои во изминатиот период беа целосно затворени, а сега се наоѓаат во многу критична состојба и бројат намалени доходи од 70 до 100 проценти, бара Сојузот на стопански комори (ССК).

ССК денеска на прес-конференција ги соопшти сите 15 мерки кои се доставени до Владата за нивно разгледување и вградување во новиот, петти антикризен економски пакет. Како што рече претседателката на ССК, Данела Арсовска, сè уште не е закажана формална средба на која овие предлози би се дискутирале.

„Сите мерки на ССК се предлози зад кои стои соодветна аргументација. Донесени се врз основа на анкета меѓу компаниите, а целта е да се помогне на приватниот сектор да опстане и да ги зачува работните места. Она што го знаеме до овој момент од медиумите е дека се подготвува некаков драфт, а како и кога ќе ги вклучат овие предлози од деловната заедница не знаеме“, истакна Арсовска и додаде дека е клучно, независно за каква помош и да се работи, таа да биде едноставна, лесно и брзо достапна и да се даде веднаш.

Праксата, нагласи Арсовска, досега покажа проблем во имплементацијата на мерките, а не во нивното усвојување и донесување.

Првите две мерки што ги предлага ССК се однесуваат на продолжаување на поддршката од 14.500 денари за плати и бескаматните кредити преку Македонската банка за развој. Се бара и можност за репрограмирање на обврските од активни кредитни побарувања.

Арсовска ја потенцираше важноста од донесување на мерки со кои ќе се укине аконтативното плаќање данок на добивка, каматата за задоцнето плаќање данок и други давачки кон УЈП до крај на годината, како и да се одложи рокот за поднесок на ДДВ извештаи.

„Предлагаме и одложување на роковите за поднесок на годишна сметка и финансиски извештаи до 30.04.2021 во хартиена, односно 15.05.2021 во електронска форма. Овие мерки не преставуваат директна финансиска помош, но се важни бидејќи значително ќе ги олеснат условите во кои работи реалниот сектор. Меѓу клучните барања е преземање на одлучна акција за справување со сивата економија од нерегистрираните субјекти. Со оваа акција се постигнува двоен ефект, прво се обезбедуваат дополнителни финансиски приходи во буџетот од неформалната економија која има учество од 40 отсто во економијата и затајува даноци во износ од третина од националниот буџет, второ ќе се подобри деловното окружување за регистрираните субјекти кои во овој момент се во тешка состојба“, рече Арсовска.

Во однос на изготвувањето и донесувањето прецизни протоколи за работа на сите дејности, претседателката на ССК рече дека е недозволиво тоа да не е сторено и по речиси една година од почетокот на кризата.

„За претпријатијата во угостителството, неопходно е да се направи израмнување на данокот на додадена вредност на сите услуги и производи на даночната стапка од 10 отсто, а претпријатијата од секторот туризам бараат намалување на данокот на додадена вредност од 18 на 10 проценти“, посочи Арсовска.

Според ССК, градежниот сектор како еден од двигателите на македонската економија, може да придонесе за подобрување на солвентноста на буџетот на централните и локални власти, доколку му се овозможат услови за работа преку повлекување на градежните мораториуми и овозможување планско градење согласно урбанистичките и еколошките стандарди.

ССК уште еднаш апелира на потребата од засилена борба протв сивата економија.

Можеби ќе ве интересира

ДАЛИ ЌЕ БИДАТ ДВАЈЦА, ИЛИ АКО ДАДЕ ГОСПОД И ПОВЕЌЕ ПРАТЕНИЦИ - премиерот Зааев вели дека ќе расте парламентарното мнозинство

ДАЛИ ЌЕ БИДАТ ДВАЈЦА, ИЛИ АКО ДАДЕ ГОСПОД И ПОВЕЌЕ ПРАТЕНИЦИ - премиерот Зааев вели дека ќе расте парламентарното мнозинство

ИМ ВЕЛАМ НА ЛУЃЕТО СЛОБОДНО ЗБОРУВАЈТЕ НА ТЕЛЕФОН - Заев охрабрува: Кој друг би слушал и би одел затвор 12 години

ИМ ВЕЛАМ НА ЛУЃЕТО СЛОБОДНО ЗБОРУВАЈТЕ НА ТЕЛЕФОН - Заев охрабрува: Кој друг би слушал и би одел затвор 12 години

Филипче: Според моите информации, состојбата на Мицкоски е стабилна

Филипче: Според моите информации, состојбата на Мицкоски е стабилна

ФИЛИПЧЕ И РУСКИОТ АМБАСАДОР ГИ ПРЕЧЕКАА РУСКИТЕ ВАКЦИНИ - спутник В е нова надеж, се разговара и за другите количини

ФИЛИПЧЕ И РУСКИОТ АМБАСАДОР ГИ ПРЕЧЕКАА РУСКИТЕ ВАКЦИНИ - спутник В е нова надеж, се разговара и за другите количини

НЕМА ДА ОСТАВИМЕ НЕЗГРИЖЕН НИТУ ЕДЕН ВОЈНИК СО НАПОЛНЕТИ 45 ГОДИНИ - Од Одбрана ги отфрлаат обвинувањата

НЕМА ДА ОСТАВИМЕ НЕЗГРИЖЕН НИТУ ЕДЕН ВОЈНИК СО НАПОЛНЕТИ 45 ГОДИНИ - Од Одбрана ги отфрлаат обвинувањата

ИНИЦИЈАТИВЕН ОДБОР: На Мицкоски му посакуваме брзо закрепнување и здрав и прав да даде отчет на конгресот

ИНИЦИЈАТИВЕН ОДБОР: На Мицкоски му посакуваме брзо закрепнување и здрав и прав да даде отчет на конгресот

БЛИЗУ 33 ИЛЈАДИ ИСЕЛЕНИЦИ - Статистика тврди дека апликацјата за самопопишување беспрекорно функционира

БЛИЗУ 33 ИЛЈАДИ ИСЕЛЕНИЦИ - Статистика тврди дека апликацјата за самопопишување беспрекорно функционира

НОВИ 31 ПАЦИЕНТ СЕ ХОСПИТАЛИЗИРАНИ - почна со работа и модуларната болница

НОВИ 31 ПАЦИЕНТ СЕ ХОСПИТАЛИЗИРАНИ - почна со работа и модуларната болница

Короната може да направи обилни крварења во стомакот, докторите да не ги потценуваат овие симптоми, бара лекарската комора

Короната може да направи обилни крварења во стомакот, докторите да не ги потценуваат овие симптоми, бара лекарската комора