До кога е рокот за потврда на пријавата што УЈП ќе ја пополни за граѓаните
Објавено во: Економија 03 Јануари, 2019
Најдоцна до 31 мај годинава граѓаните ќе треба да ја потврдат точноста на даночната пријава која за нив ќе ја пополни Управата за јавни приходи (УЈП) и ќе им ја прати по електронски пат. Граѓаните можеа до 31 декември да се регистрираат за е-персонален данок, но за сите оние кои не успеаја тоа да го сторат во тој рок, обврската се уште може да се исполни, потврдуваат од УЈП. Регистрацијата е електронска по што листот со податоци за регистрација се носи на некој од шалтерите на УЈП.
Таа институција пак, за нив пополнува даночна пријава која ќе ја имаат на увид преку системот. Ако податоците се точни само треба да се потврдат, ако се погрешни лицето ќе треба да ги коригира. Сето тоа треба да заврши до 31 мај годинава.
Според последните податоци, регистрирани се околу 660.000 граѓани, 320.000 пензионери се ослободени од обврската. Само мал број лица не успеале да се регистрираат, а тоа може да го сторат се уште.