ДОАЃА МОГЕРИНИ: Ќе го седне на маса и Христијан Мицкоски
Објавено во: Македонија 12 Септември, 2018
Високата претставничка за надворешна и безбедносна политика на ЕУ, Федерика Могерини утре ќе престојува во Македонија при што ќе има средби со македонскиот државен врв и со претседателот на ВМРО-ДПМНЕ, Христијан Мицкоски.
Могерини ќе има средба со премиерот Зоран Заев, по што двајцата ќе дадат кратки изјави за медиумите во Турската Чаршија, информираа од прес службата на Владата.
Високата претставничка на ЕУ ќе има средба и со претседателот Ѓорге Иванов, како и со лидерот на ВМРО-ДПМНЕ, Мицкоски.
Посетата е во пресрет на претстојниот референдум закажан за 30 септември на кој граѓаните треба да се изјаснат за Договорот со Грција.