Дома со автобус: Кога ќе дојдеме на власт се ќе ви укинеме
Објавено во: Македонија 04 Септември, 2020
Кога ќе дојдеме на власт се ќе ви укинеме - статус со ваква ознака напиша Борислав Крмов, пратеникот во Собранието од Левица. Тој се сликал од автобуската станица во Скопје и напишал дека си оди дома од работа со автобус.
„ Дома со автобус. Пратеничката плата е повеќе од доволна за да се покријат сите трошоци за пат, хранарина, престој во Скопје и плус да се донира 25 отсто во Солидарниот фонд на Левица, што е наша партиска обврска. Се друго е невидено безобразие и грабеж на оваа бедна и напатена земја. Ние не дојдовме тука да профитираме на грбот на народот, туку да бидеме неговиот глас во законодавниот дом, напишал Крмов.
Објавата ја споделил и Димитар Апасиев лидерот на Левица и додал.
„Не е фора више ни со точак. Фора е да идеш на работа у Собрание со АВТОБУС, како секој нормален граѓанин у Македонија, напишал Апасиев.