Еве што грчките медиуми пишуваат за името и аспирациите на Македонија

Добивај вести на Viber

За името ќе се одржи референдум, изјави во интервју за Ројтерс македонскиот шеф на дипломатијата, Никола Димитров во рамките на новиот обид на соседната земја да влезе во западните институции, пишуваат грчките медиуми, пренесувајќи дел од интервјуто на Димитров. 

Во меѓувреме, ПЈРМ и Бугарија се договорија за текстот на договорот за пријателство чие потпишување има за цел да ги реши историските несогласувања кои предизвикуваа тензии, пишува „Катмерини“. 

Затегнатите односи со својот голем источен сосед, со кој дели заеднички историски, културни и лингвистички врски, ги спречуваа и така замрзнатите напори на ПЈРМ за влез во НАТО и ЕУ, наведува весникот. Грчките медиуми потсетуваат дека клучниот проблем кој ги поткопува овие аспирации е отвореното прашање за името. 

„Мојата порака во Атина беше дека во Македонија има нов почеток и затоа ве молам да размислите каков сосед сакате да имате. Ако сакате да имате европска демократија раководена од владеење на правото, сега е моментот да ни помогнете и можеби да ни допуштите да влеземе во НАТО под привремената референца. Тоа би значело инвестирање во подобра клима каде би било можно решавање и на најголемите проблеми“- ја пренесуваат грчките медиуми изјавата на Димитров.

Во Грција се коментира дека Димитров бил „внимателен“ околу можниот одговор на Грција и истакнал дека не треба да се очекува брз напредок.