Европратеникот Јорданов: Македонија до 2003 писменоста ја славеше само на скопскиот универзитет

Добивај вести на Viber

Поранешниот амбасадор на Бугарија во Скопје и актуелен европратеник Александар Јорданов во денешното интервју за 24 Часа вели дека Македонците до 2003 ја славеле својата писменот само на скопскиот универзитет „Св.Кирил и Методиј“.

Ова членот на ЕНП/СДС го одговори во контекст на поддршка на неодамнешните парламентарни измени во Бугарија на празникот 24 мај од Денот на „словенската“ писменот во ден на „бугарската писменост и култура“. Според Јорданов, само Бугарија, Русија и Македонија го слават празникот 24 Мај, со тоа што неговата земја тоа го прави многу подолго време, како што вели тој, од другите две држави.

- Јас го поддржувам амандманот, бидејќи за нас тоа е бугарско писмо, а не полско, чешко, руско или српско. Повеќе несловенски народи пишуваат на кирилица. Славофилизмот е руска расна доктрина која, како европска држава, не може да ја споделуваме. Ние први го прославивме 24 мај како ден на нашата писменост стремејќи се кон просветлување. Празникот кај нас има скоро двовековна традиција. Во Русија тој се слави како „празник на словенското писмо“ само од 1991 година, и до 2003 година во Северна Македонија тоа беше само патрониот празник на Универзитетот во Скопје. Со други зборови, ова е наша, бугарска, празнична традиција или национален празник, на кој со право го посочуваме нашиот придонес како држава во европската христијанска цивилизација, духовност и култура, одговара Јорданов на едно од прашањата во интервјуто.