Форбс откри кој е најбогатиот рапер
Објавено во: Економија 04 Март, 2018
Раперите во своите спотови прикажуваат дека живеат луксузен и раскошен живот, со многу пари, забави и накит, најчесто заработени од продажба на дрога во нивните гета па се до градење на бизнис империи како музичари. Сепак, вистинската слика за нивното персонално богаство е многу различна од таа која се прикажува во спотовите.
Според магазинот Форбс на врвот на листата на најбогати хип-хоп артисти се наоѓа бруклинскиот рапер Џеј Зи кој конечно успеа да го стигне успешниот Пи Диди, кој седум години по ред беше најбогат рапер во светот.
Според магазинот Форбс Џеј Зи со 900 милиони долари е најбогатиот рапер, додека Пи Диди има “само” 825 милиони долари. Третото место го држи продуцентот и бизнисмен д-р Дре со 770 милиони долари. Четвртото и петтото место го делат Дрејк и Еминем со значително пониски средства во вредност од само 100 милиони долари.
Џеј Зи успеа да се искачи на врвот благодарение на албумот „4:44“, кој го објави минатата година и турнејата што следеше по него, како и неговите бројни бизниси од модна линија до алкохолни пијалоци.