(ФОТО) Родос – Бисерот на Грција

Добивај вести на Viber

Родос е вториот по големина остров на Грција. Должината на крајбрежјето е околу 220 километри. Островот е меѓу поатрактивните во Европа и особено во Грција. Величенствени плажи, кристално чиста вода, прекрасна медитеранска клима, прекрасни пејзажи, традиционална храна - ова се само дел од убавините на островот. Неслучајно е наречен бисер на Грција.

Еве и некои од најатрактивните места каде што можете да поминете незаборавен одмор:

На островот Родос има над 40 плажи - од песок, до школкести и каменити. Најпознатите песочни плажи се Фалираки, Цамбика и Пефки, Плажите на Линдос и Св. Павле се познати со егзотичната пејзажи.

Една од најпознатите знаменитости на островот е „Колосот од Родос“. Познатата статуа на богот Хелиос се издига на височина 32 метри и била едно од Седумте светски чуда. Нејзината точна локација не е сосема јасно, но е познато дека таа била од бронза и е насликан богот-сонце. Била највисоката статуа во антиката, но подоцна била уништена од земјотрес во III или IV в. П.н.е.

Стариот град на Родос, кој се наоѓа во островската престолнина, е еден од најстарите и добро сочувани градови од антиката во цела Европа. Средновековната улица на витезите е уникатно место.

Линдос е вториот по големина град на островот. Најпознатата атракција е Акрополот на Атина Линда, изграден во II век пр. Хр. Покрај Акропол, интерес предизвикува и древниот театар, кој е лоциран на југозападната падина на Линдос.

Романтичната Долина на пеперутките е друга интересна атракција на овој прекрасен остров. Името доаѓа од тоа дека на местото има голема колонија од тигарести пеперутки најмногу во летото. Во јуни и септември долината личи на повеќебојна бајка.

За да ги посетите сите интересни места кои овој остров ги нуди, ќе ви треба повеќе од една недела. Најосновните места кои по секоја цена треба да ги посетите, се најубавите историски знаменитости, прекрасните замоци и совршените плажи.