(ФОТО) Заев, Столтенберг и Хан во Давос го чекаат исходот од грчкиот парламент
Објавено во: Македонија 24 Јануари, 2019
Македонскиот премиер Зоран Заев денеска на Светскиот економски форум во Давос како што беше предвидено се сретна со генералниот секретар на НАТО, Јенс Столтенберг, и со еврокомесарот за проширување Јоханес Хан.
- Поддршка за интеграциите кои нашата земја ја носат напред. Подготвени сме за глобалниот демократски свет, напиша премиерот на својот профил на Фејсбук.
Со Заев во Давос е и вицепремиерот за економски прашања Кочо Анѓушев и министерот за економија Крешник Бектеши.
Истовремено денеска ќе се чека исходот од грчкиот парламент каде што вечерна агендата е гласање за ратификацијата на Преспанскиот договор.
Давос е местото каде што точно пред една година се афирмираше идејата за Преспанскиот договор на средбата помеѓу Заев и грчкиот премиер Алексис Ципрас.