ФОТО: Земјотрес „проголта“ мало парче земја во Нов Зеланд
Објавено во: Свет 14 Ноември, 2016
Земјотрес „проголта“ мало парче земја во Нов Зеланд, при што „зароби“ и добиток.
Крави останаа „блокирани“ на мало парче земја, откако земјотрес со интензитет од 6,8 степени проголта дел од почвата во близина на малиот град Кајкура во источниот дел на Јужниот остров. Локалната телевизија сними со хеликоптер животни кои буквално слетаа на островче со трева, опкружено со песочни насипи.
Епицентарот на потресот беше на околу 38 километри југозападно од Кајкура, на длабочина од 10 километри. Само ден порано во друг силен земјотрес со интензитет од 7,8 степени загинаа две лица во Нов Зеланд. Земјотресот предизвика лизгање на земјиштето, нанесе штета на згради, на места се појавија пукнатини по патиштата.
Земјотресот срамни со земја куќа, при што старица од 100 години преживеа, но не и нејзиниот син.
Генерално земјата беше поштедена од разурнувањата кои ги имаше во смртоносните потреси од пред 5 години.