(ФОТОГАЛЕРИЈА) Печат на вратата на кафулето во Бисер: Инспекцијата го затвори за правење на средношколската журка
Објавено во: Македонија 04 Септември, 2020
Од утринава може да се видат лентите кои ги стави Државниот пазарен инспекторат на кафулето во Бисер со кои и официјално го затвори кафулето кое ја организираше забавата за средношколците во трговскиот центар Бисер во Аеродром.
-Како што и најавивме, по три дена во законскиот рок, откако беше констатиерано дека ова кафуле има направено повеќе прекршувања, денеска Паразниот инспекторат го затвори и нема да работи во наредните 30 дена. Кафулето не е регистрирано, тоа е првиот прекршок, само гласи на име на физичко лице, го пречекори работното време, а освен тоа не беа почитувани ниту протоколите за заштита од корона вирусот. Инаку, за време на вобреднта состојба, со одлука можевме веднаш да затвораме. Сега мораме да постапуваме согласно законот, за да не се соочуваме со тужби. За ова кафуле конкретно има и парична казна за која одлучува судот, вели Стојко Пауновски, директор на Државниот пазарен инспекторат за Фактор.
Во продолжение погледнете ги фотографиите кои беа направени при затворањето на кафулето.
ФОТО ФАКТОР:
А.Б.