Ѓеоргиевски: ВМРО-ДПМНЕ се претвора во комплетна идеолошка карикатура.
Објавено во: Македонија 23 Јули, 2017
Љубчо Ѓеоргиевски, поранешниот претседател на ДПМНЕ, а сегашен на Народна, на својот Фејсбук профил ги обвини своите поранешни сопартијци за идеолошка конфузија која ја практикуваат со небулозните критики за постигнувањето на договор за добрососедство со Бугарија.
- Кога зборуваме за договорот со Бугарија јасно мораме да кажеме дека ако не беше моронската политика на Владата на ВМРО-ДПМНЕ према истата држава, воопшто немаше ни да има потреба за таков договор. Како што да не беше антиквизацијата веќе одамна со ФИРОМ ќе бевме во НАТО.
Читајќи ја најновата дпмнеовска хистерија против договорот за добрососедство неможам да се изначудам каков историски анафалбитизам постои во раководството на оваа партија. Колку силна пројугословенска идеологија ја има заробено мојата бивша партија? Колку лицемерие демонстрираат одредени луѓе? Антонио Милошоски фронтменот на оваа операција заборавил ли дека во првото ВМРО неговата единствена вредност беше што се декларираше за чист Бугарин.
ВМРО-ДПМНЕ се претвора во комплетна идеолошка карикатура, објави Ѓеоргиевски.