Голем скок во САД, Американците ги празнат паричниците
Објавено во: Свет 16 Ноември, 2016
Малопродажбата во САД е зголемена минатиот месец со што влегува на добри основи во зимската празнична сезона на купување.
Министерството за трговија на САД соопшти дека малопродажбата во октомври била зголемена за 0,8 отсто после порастот од еден отсто во септември , со што во последните два месеци е забележен највисок раст од пролетта 2014.
Честото зголемување на бројот на вработени и назнаки за солидно зголемување на заработката допринеле за раст на оптимизмот кај потршувачите кои сега се подготвени да трошат.
Невработеноста минатиот месец паднала на 4,9 отсто, додека вработените во октомври имале најголемо зголемување на заработката од крајот на рецесијата.
Најголемо зголемување во малопродажбата е забележано во автоиндустријата, како и продажбата за гас како последица на зголемената цена. Без овие две категории, малопродажбата е зголемена и за солидни 0,6 отсто во октомври и 0,5 отсто во септември.