ГРАД СКОПЈЕ СЕ ИЗВИНИ: Признаа дека пуштиле погрешно видео од прскањето против комарци
Објавено во: Македонија 10 Август, 2018
Oд Град Скопје признаа дека пуштил погрешно видео од прскањето против комарците. Оттаму појаснија дека наместо од денешното, до редакциите по грешка доставиле видео од прскањето што се случуваше минатиот месец.
„Очекуваме ново видео за прскањето против комарци, кое ќе се направи утре, и тоа ќе ви го доставиме“- стои во реакцијата на Градот.
Се додава дека авионите ќе полетаат во пет часот од спортскиот аеродром „Стенковец“.
Од Градот велат дека прскањето почнало минатата ноќ, а ќе се одвива и во следните три дена.