Груевски на суд за предметот „ТНТ“: „Космос“ срушен за политичка одмазда

Добивај вести на Viber

По неколку одложени судења вчера, денес со турбо работа продолжува работата на судовите.

Закажано е судењето за случајот „ТНТ“ во кој се обвинети поранешни високи функционери. Екс премиерот Никола Груевски, Миле Јанакиески и Тони Трајковски, се гонат во случајот за уривањето на објектот „Космос“ .

Тие тројца денес ќе седнат на иста обвинителна клупа.

Кога специјалната обвинителка Катица Јанева го најавуваше случајот таа соопшти дека  во случајот има повреда на слободите и правата и предизвикување на имотна штета. Јанева објансува дека во случајот има злоупотреба на инстиуционалните капацитети од функционери, водејќи се од побуди и мотиви кои се базираат на политичка определба.

Обвинителката Фатиме Фетаи за случајот „ТНТ“, презентираше неколку смс пораки кои откриваат како било договарано уривањето на комплексот „Космос“.

Наредба и поддршка за овој настан имало од тогашното највисоко политичко раководство на државава, кажа Фетаи.

-Одредени аболицирани политичари од одмазднички причини нанеле огромна штета со уривање на станбено деловен комплекс „Космос“ во сопственост на Фијат Цаноски. Истрагата е против поранешен претседател на Владата и лидер на ВМРО-ДПМНЕ, Никола Груевски. Отворена е истрага за четворица осомничени службеници од општина Гази Баба, рече обвинителката Фатиме Фетаи која го презентираше случајот „ТНТ“.

-И покрај тоа што инвеститорот на 05.08 доставил стручно мислење во кое било наведено дека одлуките се незаконски, осомничената, овластен градежен инспектор во Гази Баба го игнорирала тоа и продолжила со уривањето. Истите го поттикнале градоначалникот во најкраток временски рок да го срушат со експлозив. Градоначалникот како службено лице постапил спротивно на Законот за јавни набавки и ја оштетил општината. Поради помилувањето истиот не е опфатен во истрагата. Со фирмата „Трансмет“ склучиле договор за рушење иако не постоела постапка за итна постапка, истиот за да ги задоволи барањата на премиерот и министерот, се договорал со лицето Ф.И., сега починат уривање на објектот. Било договорено работата да ја добие фирма која не и била дејност уривање-„3М изградба“. Веднаш потоа градоначалникот договорил да биде спроведена јавна набавка на незаконски начин. И покрај фактот „3М изградба“ не ги исполнувала условите. Осомничените од Бирото за јавни набавки навеле дека фирмата ги исполнува условите која не била ниту на пропишан образец. Врз основа на склучениот договор од Гази Баба биле исплатени средствата и се продолжиле со уривање и нанеле штета на инвеститорот од околу 14.000 евра. Штетата која ја побарува инвеститорот е 58 милиони евра“, рекоа од СЈО.

Никола Груевски и Миле Јанакиески,според СЈО, сакале да му се одмаздат на Цаноски бидејќи ја напуштил тогашната владина коалиција и преминал во коалиција со СДСМ.