Груевски: Не се повлекувам од лидерската позиција, Заев вети оставка ако изгуби на избори
Објавено во: Македонија 24 Мај, 2017
Груевски нема намера доброволно да ја напушти претседателската функција во ВМРО-ДПМНЕ и засега ќе остане лидер на опозицијата.
- Не планирам да се повлечам од лидерската позиција затоа што на последните избори победивме и освоивме најмногу гласови и имам долг кон сите граѓани што не поддржаа и што гласаа за нас да продолжиме да се бориме за една добра иднина за Македонија, изјави лидерот на ВМРО-ДПМНЕ Никола Груевски одговарајќи на новинарско прашање по посетата на Институтот за филм во Охрид.
Груевски вели дека ова прашање го отвориле опонентските партии и медиуми блиски до нив поради нивната желба да дојде до смена на раководството во ВМРО-ДПМНЕ, затоа што според Груевски, тие имаат страв од раководство на ВМРО-ДПМНЕ и знаат дека ќе ги изгубат наредните избори.
Од друга страна Груевски смета дека идниот премиер Зоран Заев треба да си поднесе оставка во СДСМ бидејќи изгубил на изборите.
- Последните два изборни порази се на чело со Заев, и во 2014 и во 2016. Тој и во двата наврата вети пред граѓаните дека ако ги изгуби изборите ќе си даде оставка. Се уште веројатно многумина ја очекуваат или оставката или објаснување зошто и во 2014 кога вети дека ќе се повлече ако ги изгуби изборите не се повлече и зошто во 2016 кога јавно кажа дека ако ги изгуби изборите ќе се повлече се уште не го прави тоа, рече Груевски во Охрид.
Можеби ќе ве интересира
НА ДЕН ВЕЛИГДЕН, КЕДЕВ ОСВОИ УШТЕ ЕДЕН ВРВ - го „победи“ Макалу, петтиот највисок врв во светот
БОКИ 13 ЗАВРШИ ВО СТАНИЦА: „Замислете, ме пријавил дека сум му ја загрозил безбедноста и дека сум го демнел“
ЗАЧЕСТИЈА НАПАДИТЕ ОД МАЛОЛЕТНИЦИ - четири лица уапсени, ограбиле други малолентици, ќе следи пријава
ДЕТАЛИ: Возач на „ауди“ од Сарај преполови автомобил во Влае, жена се бори за живот
„ОВА ГО ЧУВСТВУВАМ КАКО ПРИТИСОК И ОБИД ЗА ЦЕНЗУРА“ - Боки 13 повикан во полиција во врска со пријавите за загрозување на безбедност
Тешка сообраќајка, затворен булеварот Партизански одреди во Влае
СОНЧЕВО И ТОПЛО, ПА ГРМОТЕВИЦИ: понесете чадори, во попладневните часови ќе има пороен дожд
Пендаровски: Нема предавање и откажување пред 8 мај по ниедна цена
