„ГУДБАЈ ЕУ“: Велика Британија гласаше за излез од ЕУ, Камерон поднесува оставка?

Добивај вести на Viber

Се случи она на кое никој не се надеваше: Британија изгласа излез од ЕУ! Голем пораз на премиерот Дејвид Камерон, кој после разочарувачкиот епилог на повеќемесечната кампања најверојатно ќе понуди оставка на функцијата прв човек на британската влада, сметаат експертите.

Енди Коулс, поранешниот шеф на Камероновиот штаб, за Гардијан, изјавил дека очекува премиерот да ја понуди својата оставка во наредните неколку часа.

„Мислам дека политичката иднина на Камерон ќе тргне во тој правец. Не би сакал тоа да се случи, бидејќи сметам дека во моментов не е време за таква важна промена, но тешко дека тоа ќе се случи“, рекол Колусон.

Од друга страна, репортери од штабот на Конзервативната партија пренесуваат дека и премиерот Камерон и министерот за финансии Џорџ Озборн ќе поднесат оставка и „ќе заминат достоинствено со кренати глави, но не веднаш“.

На овој начин се оствари и предвидувањето на Џулијан Асанж, основачот на Викиликс, кој во својата онлајн емисија „Брегзит клуб“ синоќа изјави дека „премиерските денови на Камерон се одброени“.

Евроскептиците бараат Камерон да остане

Повеќе од 80 евроскептични британски пратеници побараа од премиерот Дејвид Камерон да остане на таа функција без разлика на тоа каков ќе биде резултатот од референдумот, објави британски Телеграф.

Евроскептиците во писмото навеле дека „Камерон има мандат и должност“ да продолжи да ја извршува премиерската функција. Писмото го потпишал и лидерот на кампањата за Брегзит Борис Џонсон, како и еден од најголемите заговарачи за излез од ЕУ, министерот за правда Мајкл Гоув.