И по оставката Каракачанов тврди дека ќе се бори за бугарските интереси во Македонија
Објавено во: Македонија 15 Ноември, 2021
Иако Красимир Каракачанов поднесе оставка и повеќе не е претседател на ВМРО-БНД, сепак вели дека бугарските интереси во Македонија ќе ги брани по секоја цена.
Тој ги повика партиите кои влегоа во парламентот да не отстапуваат од заштитата на бугарските интереси во Македонија.
„Ги повикуваме бугарските политички партии, претставени во Народното собрание да не отстапуваат од заштитата на бугарските интереси во Македонија. Кауза која што ние ќе ја браниме по секоја цена”, напиша Каракачанов.
На изборите ВМРО-БНД од преброени 75,69 отсто од гласовите освои само еден процент.
Каракачанов е познат по провокативните изјави кон Македонија.