Илија Димовски откако се истрча: За заплената видов на телевизија
Објавено во: Македонија 21 Февруари, 2020
Пратеникот на ВМРО-ДПМНЕ, Илија Димовски, кој брзајќи да ја пофали работата на министерот за внатрешни работи Наќе Чулев, лажно ја информираше јавноста дека во скопското село е закленета пратка од 1,3 тони кокаин, за „Слободен печат“ вели дека „наседнал“ на информациите од медиумите.
Димовски вели дека тоа не било доверлива информација која прв ја објавил, туку дека тоа го видел од телевизија а потоа реагирал на „Твитер“.
– Не сум објавил прв. Видов на телевизија и така ја добив информацијата па го напишав „твитот“ – вели Димовски.
„Во три години власт на СДСМ не слушнавме дека е запленет ниту еден килограм кокаин...Денес МВР заплени 1,3 тони.....Најголема количина било кога запленета во РМ....Слепи ли биле?Или...?“, гласеше реакцијата на поранешниот пратеник.
Истата вечер се испостави дека не се работи за 1,3 тони, туку за еден килограм кокаин.