ИМА ПЛАТА И ДО 37.625 ДЕНАРИ: Еве колку ќе земаат новите 26 вработени во Град Скопје
Објавено во: Македонија 17 Февруари, 2021
Градот Скопје ќе вработи 26 лица.
Огласите за овие нови вработувања се веќе распишани од страна на Агенцијата за администрација.
Платите се меѓу 22.000 денари, па до близу 38.000 денари.
Голема плата од 37.625 денари е одредена за оној што ќе ја добие работната позиција Раководител на сектор за поддршка на градоначалникот.
Солиден месечен надоместок од 32.866 денари за својот ангажман ќе земаат помошникот раководител на сектор за даноци и комунални такси, потоа помошникот раководител на сектор за јавни дејности, како и помошникот раководител на сектор за јавни набавки.
Пониска плата од 22.026 денари, пак, ќе зема помладиот соработник за прибирање на финансиски документи.
Другите плати за новите вработувања пак се движат меѓу 23 и 26 илјади денари.