Јакимовски: Нема смисла што се малтретираат повеќе колеги за работи што немаат врска со корупција
Објавено во: Македонија 08 Август, 2018
Нема смисла што се малтретираат повеќе колеги за работи што немаат врска со било каква корупција, изјави денеска поранешниот градоначалник на Oпштина Карпош, Стевчо Јакимовски, по излегувањето од Кривичниот суд.
Тој беше на распит пред судија на претходна постапка.
Вели дека ниту ја злоупотребиле службената положба, нити имало организиран криминал.
За навредите кои ги упати кон новинарите Јакимовски кажа дека нема намера да се извинува.
„Кон одредени луѓе немам намера да се извинувам, на оние кои се коректни сакам да ги поздравам на нивната коректност и сакам да им честитам за нивната професионалност, кон оние кои не се професионални немам намера да се извинувам“ – вели Јакимовски.
Судијата одлучи да ги прифати барањата на Основното јавно обвинителство, на Јакимовски и неговите поранешни соработници да им одреди мерки на претпазливот и да им ги одземе патните исправи.