Јанева најави нови обвинителни акти следната недела

Добивај вести на Viber

Специјалната јавна обвинителка Катица Јанева денеска од Охрид најави дека следната недела ќе бидат донесени нови јавни обвинителни одлуки.

Јанева посочи дека повеќе од истрагите кои се веќе спроведени од СЈО очекува да завршат со обвиненија, а како што најави за  некои ќе има запирање на истрагата и отфрлање на обвиненијата, за некои ќе се поднесе обинителен акт.

Специјалната јавна обвинителка верува дека судот ќе обрне доволно внимание на доказите на СЈО и основите врз кои тие ги поднесуваат обвиненијата и дека истите ќе ги поддржи за да најдат  судска разрешница.

„Што се однесува на рокот за поднесување обвиненија, тоа е дискутабилно, се разговара на таа тема, се надевам дека ќе биде изнајдено решение во најбрз можен рок, а очекувајте дека и во наредниот период ќе отвараме истраги за други прислушувани разговори што имаат криминални материјали, рече Јанева“, пишува АлсатМ.

Во однос на тоа колкав е обемот на обработени материјали, Катица појаснила дека само 12 проценти од нив се напишани, некаде околу 45 отсто вкупно преслушани, додека останатиот дел од нив воопшто не се обработувани.