ЈАВЕН ОБВИНИТЕЛ ПРЕЗЕМА ДЕЈСТВИЈА: OJO оформи предмет за Данела Арсовска за незаконското назначување директор на МКЦ
Објавено во: Македонија 21 Март, 2024
Основното јавно обвинителство(ОЈО) оформи предмет за скопската градоначалничка Данела Арсовска за незаконското назначување директор на МКЦ.
„Оформен е предмет и јавен обвинител презема дејствија на проверки.“, одговорија од ОЈО за Новатв.
Управниот суд досудил против одлуката на Арсовска, да постави на функцијата, в.д. директор на МКЦ некој кој не е од редот на вработените, зашто пред да ја добие таа функција Никола Алексов беше ангажиран во МКЦ преку Агенцијата за привремени вработувања. Тоа е спротивно на Законот за вработени во јавниот сектор.
Одлуката на Управниот суд е правосилна и против неа Арсовска нема право на жалба, а од Програмскиот колегиум велат дека имаат право да ги поништат сите одлуките, донесени од Алексов.