Јуратовиќ: Колку и да бега, Груевски не може да му избега на едно независно правосудство
Објавено во: Македонија 29 Април, 2017
Граѓаните на Македонија мора да останат присебни и да ја сочуваат својата демократија. Ако падне Парламентот, паднала и демократијата, соопштил Јосип Јуратовиќ, известувач за Југоисточна Европа во Клубот на пратеници на СПД во Германскиот Бундестаг.
„Ако полицијата не е во состојба да го заштити Парламентот, тогаш тоа мора да го направи населението, по мирен пат. Секоја ескалација треба да се избегнува“, соопштил тој и додал дека би било добро лидерите на партиите да присуствуваат на состанокот кој го организирал претседателот Иванов.
„Никола Груевски изгледа е жртва на криминална клика во својата околина. Како и да е, на подолги патеки, тој нема да му избега на едно независно правосудство. На крајот на краиштата, тој мора да донесе одлука: дали сака да излезе пред лицето на правдата поради корупција или поради воено злосторство? Со други зборови, опасноста од ескалација е голема. Можам само да го советувам да не свири понатаму по досегашните ноти“, пишува во соопштението. Јуратовиќ нагласил дека за Европа би било добро да се концентрира на тоа да ги заштити демократските вредности во регионот, „наместо да поради стабилност да склопува криминални договори“.