Првиот TEDxSkopjeSalon настан за оваа сезона на тема:
„Како дизајнот на градот може да поттикне инклузивна мобилност?“
Објавено во: Мои пари 02 Септември, 2019
Колку често ги забележуваш останатите луѓе кои се движат околу тебе? Дали понекогаш разменуваш поглед со луѓето по патот и колку си свесен за твојата околина? Добриот дизајн на градови треба да поддржува пристапност за сите негови жители. Колку се активни граѓаните низ градот зборува за степенот на здравје, но и слобода која тие ја чувствуваат во градот. За дел од граѓаните, оние кои повеќе ги забележуваат пречките на улиците и пешачките премини, движењето низ градот не претставува слобода туку голема препрека.
Токму оваа тема ќе поттинке дискусија за споделување идеи и размислувања на првиот TEDxSkopjeSalon за оваа сезона на тема „Како дизајнот на градот може да поттикне инклузивна мобилност?“, кој ќе се одржи на 18.09.2019, со почеток од 19:00ч во просториите на “Co&Work Hub”.
Дел од прашањата на кои како што велат организаторите ќе се дискутира вклучуваат: Како може да имаме град кој ќе поттикне инклузивна мобилност, еднаква за сите негови жители? Дали и колку влијание има секој од нас за мобилноста и безбедноста во градот? Како до подобро планирање на градовите или трансформација на истите?
За присуство на настанот, сите заинтересирани е потребно да пополнат апликациja на следниов линк: https://skrati.mk/InclusiveMobility најдоцна до 13.09.2019, 12:00 часот на пладне.
Дознајте повеќе информации на фб настанот.
Настанот е независно организиран ТEDх настан и истиот е лиценциран од страна на TED. Повеќе детали во однос на партнер организациитe, експерт гостите и агендата на настанот ќе бидат дополнително објавени. Повеќе за Salon типот на настани може да дознаете овде: https://skrati.mk/Salonevents
Официјалниот TEDxSkopjeSalon настан може да го погледнете на овој линк:
https://www.ted.com/tedx/events/35761