Како реагирше светот на веста за Брегзит?!

Добивај вести на Viber

Велика Британија ќе ја напушти Европската унија. Ова го покажуваат актуелните резултати од референдумот што Кралството го спроведе вчера.

Веста е број еден тема во сите медиуми и социјалните мрежи и буквално го шокираше светот. Некои од највлијателните светски политичари ја коментираа одлуката на Британците.

„Ова е лош ден за Европа. Оттука натаму Европската унија треба да покаже дека може без Велика Британија“, изјави бугарскиот премиер Бојко Борисов.

„Вестите утринава од Британија се навистина шокирачки. Тажен ден за Европа и Велика Британија“, изјави германскиот министер за надворешни работи Франк-Валтер Штајнмаер.

Неговиот колега Зигмар Габриел изјави дека тоа е „лош ден за Европа“.

„Победа за слободата! Како што повикувам со години, сега треба да го направиме истиот референдум во Франција и сите земји во ЕУ “, изјави лидерот на францускиот Национален фронт Марин Ле Пен.

„Ја почитуваме одлуката на Британците. Тоа ќе прични големи штети и за двете страни. Тоа е британско, не европско гласање. Велика Британија треба да ја напушти ЕУ во рок од 2 години. Земјата нема да добие специјален третман. Напуштање значи напуштањ“, рече претседателот на Европската народна партија Манфред Вебер.

„Ура за Британците! Сега е наш ред. Време е за холандски референдум!“, Рече водачот на холандските евроскептици Герт Вилдерс.

„Сакаме да раководиме со нашата земја, нашите сопствени пари, нашите сопствени граници и сопствената имиграциска политики. Ако станам премиер, ќе има референдум во Холандија за напуштање на ЕУ. Холанѓаните нека одлучат“,објасни тој.