Какво решение предлага Вучиќ за Косово?

Добивај вести на Viber

Повикот на српскиот претседател,  Александар Вучиќ за широк општествен дијалог за Косово, кој ќе почне во септември, се подготвени да го прифатат САНУ, СПЦ и дел од опозицијата, oбјави весникот „Блиц“.

Белградскиот весник, уште пишува еден дел од опозицијата ја прифаќа поканата, а дел инсистира на единствен став околу истата. Некои опозициски партии бараат од Вучиќ конкретно решение.

Шефот на државата најави дека покана да учествуваат во дијалогот ќе добијат сите релевантни политички партии, невладини организации, СПЦ и САНУ.

Од СПЦ порачуваат дека Црквата „со задоволство ќе му помогне на државниот врв“, а подготвеност да дадат свое мислење изрази и генералниот секретар на САНУ, Марко Анѓелковиќ.

Вучиќ  српските граѓани ги повикал на внатрешен дијалог за Косово, со цел товарот да не се остави на идните генерации и затоа треба заедно да најдат одговор кој ќе биде траен и ќе го исклучи конфликтот како опција.

„Време е како народ да престанеме да ја ставаме главата во песок и да се обидеме да бидеме реални, да не дозволиме да го изгубиме или на некому да го предадеме она што го имаме, но и да не очекуваме дека во раце ќе ни падне, она што одамна го загубивме“- пишува Вучиќ, во авторска статија за „Блиц“.