Какво време нè очекува викендов?
Објавено во: Македонија 30 Март, 2018
Времето денес во Македонија ќе биде претежно сончево и потопло со слаб до умерен јужен ветер. Дневната температура ќе се движи од од 13 до 21 степени.
Во Скопје со слично време, сончево со слаб до умерен јужен ветер.Утринската температура до нулата, а дневната температура ќе достигне до 21 степен.
За викенд не очекува топло време, но со ветер. Утре преку ден ќе се задржи сончево и топло време со натпросечни дневни температури, што ќе предизвика забрзано топење на снежната покривка на планините. Кон крајот на денот ќе има локални врнежи од дожд, проследени со ретки грмежи. Во ноќта кон недела врнежите ќе се интензивираат и на места ќе бидат поројни. На највисоките планини ќе има и врнежи од снег.
Во недела и понеделник дневната температура ќе опадне зa околу 5 степени, а потоа повторно ќе биде во пораст.