Кои се победници и губитници од Брегзит?

Добивај вести на Viber

Кои се победници, а кои се губитници од референдумската одлука на Велика Британија да ја напушти Европската унија?

Поранешниот градоначалник на Лондон, Борис Џонсон беше со ставови кои се анти-ЕУ.  Се оценува дека Мари Ле Пен од Националниот фронт во  Франција и рускиот претседател, Владимир Путин можат да бидат задоволни од исходот на Брегзит.  Ле Пен не ја криеше својата поддршка за британското излегување од ЕУ. Една година пред избори во Франција, популистички нејзините колеги во Германија, Холандија, Белгија и Италија може да бидат охрабрени.

На Путин исто така може да му одговара расцепкана и поделена Европа. Путин за британскиот премиер Дејвид Камерон изјави дека покажал ниско ниво на политичка култура.

Додека повеќето големи компании жестоко се противеа на Брегзит, неколку тврдеа дека ќе имаат корист преку полесни регулативи и преку повисок економски раст.

Злато се издигна на највисоко ниво во изминатите две години, а швајцарскиот франк зајакна најмногу од централната банка.

За големите банки ќе има години на несигурност, а истото се очекува и за берзите.

Шкотската премиерка, Никола Старџен изјави дека пo гласањето на Британците да ја напуштат Европската унија, многу e веројатно дека Шкотска ќе спроведе свој референдум за тоа дали да прогласи независност од Велика Британија.

Старџен рече дека второто гласање за независност било ставено на маса и оти ќе биде подготвено кога ќе го одобри шкотскиот Парламент.

Референдумот за независноста на Шкотска во 2014 беше неуспешен.

Резултатите од вчерашниот референдум во Британија покажуваат дека Шкотска силно ја поддржа кампањата за останување во ЕУ.