Колку ќе ве чини да изнајмите остров?
Објавено во: Стил 02 Февруари, 2017
Ако сакате да одморате на осамен остров, кој целосно ќе ви биде на располагање, веќе ја имате таа можност, благодарение на Airbnb.
Птичјиот остров е лоциран крај брегот на Пласенсиа во земјата Белизе, а ова задоволство ќе ве чини 495 долари на вечер, но со минимум престој од три ноќи. На островот може да се сместат четири лица, а има три спални и четири кревети. Сумата за изнајмување вклучува и неколку статисти - превоз од и до островот од Пласенсиа, два кајака, локален телефон и WiFi, тераса, погодна за сончање, како и кујна, во која може да се подготви храна за пикник на островот. Може да користите и кула за набљудување на птиците, а освен тоа таму е и една од најдобрите зони за нуркање и риболов во Белизе.
